INAMANZIZA: Kureka uwo mwashakanye akaba uwo ariwe ni ikintu kingenzi ngo mubane neza

Kureka uwo mwashakanye akaba uwo ariwe ni ikintu kingenzi ngo mubane neza

Kubana neza kw’abashakanye, ni ukuvuga k’umugabo n’umugore, bisaba ibintu bitagoye nkuko abantu benshi babikabiriza. Ariko nanone bisaba kugira ibyemezo umuntu afata, kandi biba byiza iyo umuntu afashe ibyemezo bitabangamira uwo bashakanye.

Kimwe mu byemezo by’ingenzi ni ukumureka akaba uwo ariwe, ukamukunda ari uwo ariwe, udashaka ko amera uko ushaka. Imana niko iba yaramuremye, cyangwa se aho yakuriye niko hamuhinduye, cyangwa se ibyo yahuye nabyo mu buzima niko byamugize

Iyo umuntu ashaka kumera uko undi amushaka aravunika. Kumureka akaba uwo ariwe rero bizatuma atavunika, ahubwo azagira umutuzo, kandi mu mutuzo we niho uzabonera umunezero.

Reka nongere mbisubiremo, iyo umuntu ashaka ko uwo babana aba nk’uko amushaka, bituma bavunika bose. Noneho bakavugana nabi, bakarebana nabi, kandi ibyo nta kindi bibyara kereka guhorana indwara z’ivuye ku guhangayikishanya no guhimana.

Nshuti, ujya kwemera uwo mubana wamwemeye uko ari, indahiro wamurahiriye, ko iwamukunda ukamuteresha ukamutonesha, yari ameze uko ameze. Komeza indahiro wamurahiriye udashatse ko agira ukundi amera kuko ntiyabishobora.

Ahubwo wowe icara wibaze uti ubwo ameze kuriya, jye nakora iki ngo nta muremerera. Kwibaza icyo wakora ngo utamuremerera, gukora ibitamubangamiye no kutamuhoza ku nkeke, nibyo bizatuma utaremererwa.

Nta ngero nirirwa ntanga, ariko niba hari ikibazo ufite hamagara nditaba kandi ndagufasha rwose.

Icyitonderwa: Nkuko igiseke utagihinduramo imodoka, niko umuntu utamuhindura undi.