Mujye mwitondera amafoto mwohererezwa n’abantu mu buryo bw’ikorana buhanga

Mujye mwitondera cyane amafoto mwohererezwa n’abantu mu buryo bw’ikorana buhanga

Ikoranabuhanga rirafasha abantu guhana amakuru kandi bigira akamaro cyane. Nyamara hari abantu barikoresha bagirango bagere k’umugambi mubi kujyana abantu kure y’Imana.

Maze iminsi nifuza kubyandikaho (ariko nzanabyandikaho birambuye). Ariko nkimara kubona inkuru yashyizwe kuri facebook n'umwe mu bantu bo kuri facebook yanyoherereje ivuga iby’umukobwa wajyaga atesha umutwe abasore agamije kubarya amafaranga no kubakururira mu busambanyi aboherereza amafoto y’ubwambure bwe cyangwa ubw’abandi yabaga afotoye, nsanze ari byiza ko nayibaha uko imeze maze mukamenya umugambi wa Satani, mugafata ingamba. Ntabwo amafoto yo muri iyo nkuru ariho ariko n'ayo mbashyiriyeho arahagije ngo mu menye ko ibintu bitoroshye. Mube maso bavandi!

Kimironko: Umukobwa umaze iminsi yoherereza abasore amafoto yambaye ubusa dore nguyu yamenyekanye:Amafoto>>>

---

 Abasore bo ku Kimironko kimwe na bamwe mu banyeshuri bo mu Ishuri Rikuru ry’Inderabarezi bamaze iminsi bafite ikibazo cy’umukobwa uboherereza amafoto yambaye ubusa. Uyu mukobwa ayo mafoto ayohereza akoresheje amazina y’amahimbano yiyita “Clara Dophy” akayoherezanya n’amagambo y’urukundo areshya abo basore. Mu gutereta umusore, uwo mukobwa “Clara” aba abwira umusore ko amuzi, ko amukunda kandi ko yifuza ko babonana bagakora imibonano mpuzabitsina.

Abasore benshi ababwira ko atuye mu Karere ka Gicumbi, akaba ari umunyeshuri I Kigali ari kurangiza amashuri yisumbuye, ko ntamukunzi afite kandi ko yifuza umukunzi w’ukuri bazajya baryamana ndetse bakazanabana biramutse bikunze. Uwo mukobwa akora ku buryo yoherereza umusore ubutumwa buri kanya burimo amagambo meza y’urukundo hamwe n’amafoto y’urukozasoni kuburyo bituma umusore agira ubushake bwinshi bukamutesha umutwe, noneho yarangiza akamusaba kumwoherereza amafaranga y’itike imukura I Gicumbi kugira ngo aze baryamane.

Nyuma y’uko abasore bamaze kubiganiraho bamenye ko ari umukobwa umwe ubatesha umutwe, bafata icyemezo cyo kumushaka bagendeye kuri nomero ya Whatapp ari nayo akoresha aboherereza ayo mafoto. Kuri uyu mugoroba nibwo bamuguyeho aho yarari mu kabari kari mu Mujyi wa Kigali rwagati, abuze uko abigenza yemera icyaha, asaba imbabazi kandi avuga ko bitazongera.

Ikibabaje n’uko amafoto y’urukozasoni yohererezaga abo bahungu harimo atari aye. Yajyaga yihisha agafotora abandi bakobwa bagenzi be bari nko koga cyangwa kwisiga bambaye ubusa, ayo mafoto nayo akayohereza.