KUGARURA AMAHORO NYUMA YO GUSHWANA

Mbese hari igihe uwo mwashakanye cyangwa uwo mukunda mujya mushwana? Bibaho si ishyano wagushije.

Rimwe na rimwe haba ho ubwo abantu batumvikanye ku kintu runaka, bigatera umwuka mubi. Niyo mpamvu ari byiza kumenya uburyo bwo kugarura umwuka mwiza mu gihe mugize icyo mutumvikanaho.

Buri wese akwiye kugira ubushake bwo amakimbirane. Yaba abaye, buri wese akagira  ubushake bwo kugarura umwuka mwiza n’amahoro. Urandiko rwa Yakobo ruvuga ko Ushaka guha undi cyangwa abandi amahoro niwe ugira amahoro

Buri wese ashobora kuba nyirabayazana w’impamvu y’ubwumvikane buke  bitewe n’impamvu nyinshi. Buri wese ashobora gusa n’uhagaritse ibyakura umwuka mubi kubera impamvu nyinshi: Kugira ngo atiha rubanda, kugira ngo abana batabumva, n’ibindi  izo mpamvu zo guhagarika ubwimvikane buke bwari bubaye ariko ntibikemura ikibazo, ntibigarura ubwumvikane, kuko hari abaceceka ariko bagaterana ibitugu, ntibavugane ijoro rigacya, abandi  ntibararane , hakaba nabamara iminsi bimeze gutyo.

Dore zimwe mu ntabwe zatuma ubwumvikane bugaruka

1 ) Ibaze impamvu yabiteye, kandi wibaze uruhare rwawe

Iyo ibibazo byabaye, buri wese akigira umwere,  biragorana  ko ubusabane bugaruka, nyamara mu gihe cyo gushwana nta mwere nta munyamakosa, iyo urebye usanga impande zose hari aho zakwisanga mu gukosa, wenda mu buryo butangana ariko nta mwere nta mu nyamakosa. Icyiza rero, buri wese akwiye kwibaza inkomoko n’uruhare rwe. Ahari uzasanga ariwowe nyirabayazana cyangwa se wasubije nabi, bitewe n’uko wiriwe ku kazi, umunaniro, uburakari watewe n’abandi, n’ibindi… Biba byiza kwishyira mu mwanya wa mugenzi wawe.

2)  Kugira ubushake bwo kugarura ubwumvikane

 Ni byiza ko buri wese agira ubushake bwo kugarura ubusabane bwo kugarura umwuka mwiza, kugarura amahoro. Ukana Muremamahoro “ peace  make”. Hari igihe n’umuntu cyangwa bose bagira ubwo bushake ariko hakabura utangira ikiganiro kigarura ubwimvikane. Igihe ufite ubwo  bushake ntukagire isoni zo kugarura ubusabane n’amahoro mu rugo.

3) Gusaba imbabazi

Rwose gusaba imbabazi biragora. Ariko woze ujye ugira ubutwari bwo gusaba imbabazi. Bishobora gukorwa mu buryo butandukanye, wandika message, umuvugisha kuri telephone, ariko ni byiza gusaba imbazi z’ibyawe udashyiramo ijombo ariko.

4)  Mubwire iby’urwo umukunda, mwereke ko umukunda

 Mu magambo uzajya ukoresha usaba imbabazi, jya umwereke ko nubwo wahemutse, ko umukunda ko ntawe umuruta, ko umwishimira n’ibidi . Ushobora kugira icyo ukora kimwere ko umuha agaciro, ko umukunda.

EX: Ku mufasha gusasa, gufasha gutegura ibyo gufungura, koza abana n’ibindi.

5) Gutanga imbabazi

 Ni byiza ko buri muntu agira ubushake kandi akishimira gutanga imbabazi. Mujye mubabarirarana ibyaha n’amakosa. Hahirwa abatanga imbabazi kuko aribo bazazigirirwa. Isengesho rya Data wa twese uri mu ijuru cyangwa Dawe uri mu ijuru, hari rivugwa ngo “ Utubabarire ibyaha byacu, nkuko natwe tubabarira abaducumuyeho” Ehe!!!! Aho hantu nibyiza kuhaha agaciro, no kugerageza gukora ibyo hasaba.

6) Gutegereza ko umutima usubirana amahoro n’umutuzo.

Nyuma yo guhana imbazi, ni byiza kumenya ko umuntu adahita yumva agaruye umutuzo n’amahoro, ijana ku ijana bitewe n’impamvu yatumye habaho gushwana. Ni byiza  ko utegereza ko mugenzi wawe agarura umutuzo n’umutekano.

7) Kwibuka amasezerano mwagiranye

Urukundo rwibuka indahiro, rukomeza indahiro, ni ikintu gikomeye kandi gishobora gutuma umwuka mwiza uhoraho, niyo habaye kutumvikana no gushwana, bituma umuntu ababarira bitamugoye, yihangana agakomeza kubana n’uwo ukunda neza.   

Uko urukundo rugenda rukura, niko abakundana bagenda bagira ibyo basezerana, kubyibuka, bifasha umuntu kugarura ubwumvikane .  Amasezerano yose ni byiza kuyaha agaciro, yaba ayo umuntu yagiranye n’undi bicaye ahantu bonyine, bahagaze ahantu hatari undi muntu cyangwa ayo bagiranye imbere y’imbaga y’abantu mu buyobozi bwa Leta cyangwa bw’idini.

8) Kwibukiranya amagambo y’Imana

Abantu bagiye bavuga amambo meza arimo ubuhanga n’isubira majwi kuburyo hari imivugo ivugitse neza ikanezeza umutima, ariko ikirusha ibintu byose kuba cyiza ni amagambo Imana yavuze, dusanga mu byanditswe byera. Ayo, niyo rufatiro rw’amahoro.

Ni byiza kuyibuka, kuyaganiraho, hagamijwe kugarura umwuka mwiza atari ugushaka imirongo ikurengera, ahubwo mushaka imirongo ibunga.

10) Kuganira ku mpamvu zijya zibatera gushwana, uwo munsi mutashwanye,

Ni byiza kugirana ikiganiro ku mpamvu zagiye zibatera gushwana ariko hatarimo gucyurirana no kwishongora.

Jya umenya gutega amatwi,  ni byo byiza kurusha kuvuga. Baza ibibazo biri ngombwa bigufasha kumva gusa neza.

Wica ibintu ku ruhande bivuge mu kubahana kandi utazura akaboze.

BUCYABUNGURUBWENGE Gaspard.