Igitera impumuro mbi mu birenge

Igitera impumuro mbi mu birenge

Abantu bamwe na bamwe cyane cyane abagabo bakunze kunuka ibirenge. Bikaba bishobora kumvikana bazambaye, ariko cyane cyane iyo bazikuyemo.  Hari n’abanuka ibirenge kandi batageze bazambara. Biterwa n’impamvu zigiye zitandukanye arizo Muganga Kalume Musitafa avuga.

Kugira impumuro mbi mu birege biterwa n’ibintu bitandukanye, kandi n’uburyo zumvikana buba butandukanye. Hari impumuro mbi imara akanya gato igahita ishira, imara igihe kinini. Hari impumuro y’ibirenge iterwa nuko umuntu amaze umwanya munini byambaye inkweto kandi ibirenge bye bikaba bibira icyuya cyinshi, hakaba n’igihe aba yambaye amasogisi ya niro atuma ibitenge bidahumeka neza. Bene iyo imara igihe gito iyo umuntu akuyemo inkweto n’amasogisi, Uterwa ikibazo n’amasogisi ya niro, aba kwambara amasogisi akoze mu ipamba

Impumuro mbi y’ibirenge umuntu yakuyemo inkweto  iterwa na mikorobe ziba ku ruhu rw’umuntu. Mu busanzwe hari mikorobe zibera ku ruhu rw’umuntu, ntizigire ikibazo zimutera. Biba ikibazo rero, iyo zibaye nyinshi, cyangwa hakagira ubundi bwoko buzivangamo. Icyo gihe nibwo ziteza ibibazo bitari bisanzwe.

Hari ighe impumuro mbi y’ibirenge iterwa na mikorobe bita brevibacteria. Izi mikorobe zibera ku ruhu ariko ari nkeya. Ibintu bishobora gutuma ziyongera harimo icyuya, kumara igihe kinini wambaye inkweto, amasogisi akoze muri niro kubera ubushyuhe.

Hari kandi mikorobe zikunda kuba hagati y’amano no munsi y’ibirenge maze zamara kuba nyinshi zigateza impumuro mbi.

Kugirango umuntu ufite ikibazo cy’impumuro mbi y’ibirenge abikire hari inama yakurikiza. Gukaraba ibirenge inshuro nyinshi kandi ugahanaguraho neza, kuburyo amazi ashiraho neza. Umuntu ugira ikibazo abitewe n’amasogisi ya niro, arahindura akambara akoze mu ipamba, kuko ayo mu ipamba ntashyuha cyane, bityo bigatuma ibirenge bitutubikana. Umuntu ugira ikibazo cyo kugira impumuro mbi y’ibirenge yirinda kwambara inkweto cyangwa amasogisi bitumye neza. Umuntu kandi agerageza kwambara inkweto zidafunze nk’amasandari.Icyo gihe ibirenge bibasha gufata akayaga.

Muganga avuga ko nubwo hari imiti iboneka muri za farumasi ko kuyikoresha ndetse yewe ko n’abakoresha za puderi na dewodora baba bakwiye kubikoresha babyandikiwe na muganga, kuko ariwe ushobora kumenya impamvu ibitera n’icyiza cya korwa ngo bishire.